Dhjetë ditë pas arrestimit të tij, 32-vjeçari Babis Anagnostopulos që vrau gruan e tij në sy të foshnjës po përpiqet t’i japë fund skenarëve të një “personi të tretë” në marrëdhënien e tyre.
“Unë i mohoj kategorikisht skenarët se ka pasur një person të tretë në marrëdhëniet tona me gruan time. Gjithëçka më intereson tani është e mira e fëmijës. Unë e dua Lidinë time dhe do të jem pranë saj përgjithmonë, në gjithçka që ajo ka nevojë për mua. Unë jam i interesuar vetëm për të mirën e fëmijës tim dhe do të bashkëpunoj plotësisht në këtë drejtim me hetuesin. Do t’i jap të gjitha përgjigjet për pasaktësitë dhe pyetjet”,- është shprehur ai.
Ndër të tjetra, ai ka thënë se është penduar për çdo gjë që ka bërë, ndërsa theksoi se e donte shumë Karolinën.
“Jam penduar për çdo gjë për atë që kam bërë. E kam dashur shumë gruan time. Marrëdhënia jonë, përveç disa tensioneve, ishte një marrëdhënie krejt normale.”-tha 32-vjeçari që vrau gruan e vet.”
