Policia e Dibrës ka arrestuar dy vëllezër për shkak se kanë thyer xhamat e një biznesi privat, dhe kanë kundërshtuar policinë gjatë arrestimit.
Mësohet se vëllezërit e arrestuar janë Bastri Sula 29 vjeç dhe Sabri Sula 22 vjeç, të cilët akuzohen për veprat penale ‘Shkatërrim prone’ dhe ‘Kundërshtim i punonjesit te policisë së rendit publik’.
Arrestimi i tyre u bë pasi në qytetin e Peshkopisë, për motive të dobëta kanë thyer xhamat e një biznesi privat ‘Bar-Restorant’, dhe gjatë ndërhyrjes së shërbimeve të policisë për shoqërimin në komisariat të tyre, dy vëllezërit kanë kundërshtuar punonjësit e policisë duke i penguar në kryerjen e detyrave të tyre funksionale.
Materialet procedurale i kaluan Prokurorisë Pranë Gjykatës së Shkallës së Parë Dibër, për veprat penale “Shkatërrim prone”, dhe “Kundërshtimi i punonjësit të policisë së rendit publik”.
