Ekzekutivi i Bashkimit Evropian po shqyrton veprimet ligjore kundër Polonisë për zonat “pa LGBT” të ngritura nga disa autoritete lokale atje. BE thotë se të drejtat LGBT duhet të respektohen në të gjitha vendet anëtare, por partia nacionaliste në pushtet e Polonisë ka bërë politikat anti-homoseksuale pjesë të platformës së saj qeverisëse.
Në mars ajo ndaloi në mënyrë të qartë çiftet e të njëjtit seks nga birësimi i fëmijëve, ndërsa më shumë se 100 qytete dhe zona e kanë deklaruar veten “pa LGBT”.
“Ne po kontrollojmë nëse ka shkelje të traktateve të BE në krijimin e atyre zonave”, tha një zyrtar i BE, duke shtuar se procesi nuk ka përfunduar ende. Një zyrtar i dytë konfirmoi që ekzekutivi me qendër në Bruksel po shikon me kujdes çështjen. E njohur si një procedurë shkeljeje, një veprim i tillë ligjor do të sfidonte Poloninë për të eleminuar zonat të cilat, nëse nuk respektohen, mund të çojnë në gjoba të majme.
Partia qeverisëse Ligji dhe Drejtësia (PiS) është përplasur vazhdimisht me BE mbi vlerat demokratike pasi vuri gjykatat dhe mediat nën më shumë kontroll të shtetit, frenoi të drejtat e grave dhe refuzoi imigracionin nga Lindja e Mesme dhe Afrika.
