Mediat greke i kanë kushtuar një vëmendje të madhe ngjarjes makabre ku 32-vjeçari Babis Anagnostopoulos mbyti të shoqen një muaj më parë dhe u shtir si viktimë e një grabitjeje në banesën e tij.
Piloti 32-vjeçar është kthyer në njeriun më të urryer për momentin në Greqi, ndërsa ngjarja e tij është ndjekur dhe raportuar edhe në mediat shqiptare për shkak se ai deklaroi që autori i krimit ishte një shqiptar. Pak ditë më parë 32-vjeçari pranoi autorësinë e krimit dhe aktualisht ndodhet në burgun Kordhalo, ku thuhet se është ambientuar shumë shpejt.
Ai shfaqet i ftohtë dhe i akullt si dhe nuk bën lëvizje të panevojshme, por shumicën e kohës e kalon me shokun që ndan qelinë. Psikiatri grek Dimitris Souras e përshkruan 32-vjeçarin si një njeri pa ndjenja, që nuk ndjen përgjegjësinë e fajit.
“Ai është padyshim një njeri që nuk ka ndjenja dhe padyshim nuk ndjen faj“- thotë psikiatri Dimitris Souras. Më tej ai shton: “Ai kurrë nuk kërkon falje sepse nuk pendohet kurrë“.
