WhatsApp është aplikacioni më i njohur i mesazheve në botë, i zotëruar nga kompania e Facebook. WhatsApp thuhet se po përgatit një ndryshim të madh. Bëhet fjalë për mesazhet zanore për përdoruesit e iPhone dhe Android. Aplikacioni në fjalë, do të tregojë format e valëve teksa regjistroni audio. Por, këto ndryshime janë ende në testim dhe nuk janë ende në dispozicion të përdoruesve të iPhone dhe Android.
Ndër të tjera, thuhet se pjesë e këtyre ndryshimeve është edhe fakti që përdoruesi mund të ndalojë regjistrimin që po bën dhe ta dëgjojë përpara se ta dërgojë. Pasi ta keni përfunduar, do t’ju shfaqet një buton blu në mënyrë që ta dërgoni ose ta fshini.
