Një aksident me pasojë vdekjen e një shtetasi nga Njesia Administrative Rrajcë e Bashkisë Prrenjas është rregjistruar në orët e vona të së Dielës. Aksidenti, sipas burimeve nga vendi i ngjarjes, ka ndodhur në aksin e rrugës kombëtare Prrenjas-Qafë Thanë, në fshatin Rrajcë.
Të njëjtat burime bënë me dije se një zetor që po qarkullonte në rrugën kombëtare është goditur nga pas me forcë nga një automjet dhe për pasojë ka dalë nga rruga, është përmbysur dhe ka përfunduar në kanal.
Drejtuesi i zetorit, Zeqir Lleshi ka gjetur vdekjen e menjëhershme pasi e ka zënë poshtë kabina e shkatërruar, ndërkohë që Xhevahir Dashi, drejtuesi i automjetit, është ndaluar nga policia.
