Kryeministri Edi Rama ka heshtur lidhur me masakrën e ndodhur në Velipojë, ku 4 persona u vranë pas përplasjes me armë për shezllonet në plazh.
Duke folur për mediat pas takimit me asamblenë e PS-së në Vlorë, Rama tha vetëm se kishte thirrur ministrin e Brendshëm Bledi Çuçin dhe disa prej drejtuesve të Policisë për të nisur një ristrukturim të policisë, siç e quajti ai.
“Duhet përshpejtuar me disa javë, për të mos pritur fundin e verës, për arsye të kuptueshme”, tha Rama për gazetarët në lidhje me takimin që do të zhvillonte me ministrin Çuçi.
Kur u pyet për masakrën në Velipojë, Rama heshti dhe u largua pa kërkuar as falje.