Kryeministri Edi Rama do e çojë deri në fund atë që e cilëson si një betejë me Kryebashkiakun socialist të Vlorës, Dritan Leli.
Rama mblodhi Asamblenë e PS në Vlorë, në një takim, që u detyrua ta lërë përgjysëm, pasi ka thirrur një takim urgjent me ministrin e Brendshëm, Bledi Çuçi dhe drejtues të Policisë së Shtetit, për atë që e konsideroi si një ristrukturim.
Gjithsesi burime nga PS, shprehen se në mbledhjen e Asamblesë, Rama dha mesazhin e qartë se Dritan Leli është një i përjashtuar nga rradhët e socialistëve.
“Për Lelin, do vazhdojmë betejën. Për të nuk ka vend”, mësohet të ketë deklaruar Rama në takimin me dyer të mbyllura.
Referuar raportimeve, mësohet se Kryeministri gjithashtu ka deklaruar se “Durrësi ka nevojë për mua, por ta harroj çdokush që do shkëputëm nga Vlora. Vlora ka punë të pambaruara dhe pafilluara. Për Lelin, do vazhdojmë betejën.
“Për të nuk ka vend, ai vendosi të mos jetë te beteja e radhës, asgjë s’duhet të jetë personale mes këshilltarëve dhe tij, ky është vendim politik. Duhet që këshilltarët të bëjnë detyrën, të bëjnë kontrolle në komisione sikur të ishte një kryetar partie çfarëdo.
Do të duhej të kishte dhënë dorëheqjen, nuk pranon në këtë formë, në do vijojmë betejën”, ka thënë Rama.
Nëse kryebashkiaku i Vlorës nuk jep dorëheqjen, Rama u shpreh se të gjithë duhet të punojnë që Vlora të ketë një përfaqësim dinjitoz nga këshilltarët bashkiakë.
“I kërkuam si kryebashkiakut të Dibrës, si Vlorës që të hyjnë në zgjedhje si deputetë. Leli nuk pranoi. Se tha se e ka Vlorën amanet. Leli nuk u zgjodh, u emërua sepse nuk kishte kundërshtarë. Ai po çalonte në Bashki por në parlament do të ishte mirë sepse është orator. Askush nuk fiton i pavarur në Vlorë, por vetëm ata nën siglën e trëndafilit rozë. Leli më fiku telefonin disa ditë. Nëse ai nuk jep dorëheqjen, të gjithë duhet të punojmë që Vlora te ketë përfaqësim dinjitoz nga këshilltarët bashkiakë”, tha Kryeministri.
Gjithashtu ai ka paralajmëruar ndryshime në disa nga institucionet, duke u shprehur se ka drejtues arrogantë që do t´i largojmë.