Pjesë e Partizanit prej shumë ditësh është edhe mbrojtësi i djathtë, Niko Paterni. Megjithatë, italiani ende nuk është prezantuar zyrtarisht nga klubi i kuq.
Arsyeja është se drejtuesit dhe stafi teknik ende nuk janë bindur plotësisht për kualitetet e anësorit italian, i cili ka luajtur të dyja sfidat miqësore deri më tani si titullar.
Për sa kohë do të jenë në Ohër, stafi teknik duhet të marrë një vendim për 26-vjeçarin: nëse do të jetë pjesë e klubit për sezonin e ardhshëm apo do të mbyllet prova pa një akord. Kujtojmë që Partizani nuk ka asnjë mbrojtës të djathtë në ekip, pasi edhe Mala, që mund të adaptohej aty, është larguar. Po ashtu, janë larguar edhe Idrizaj dhe Osmanllari.
