Gjermania mburret me Robin Gozens, i cili është dalluar me paraqitjet në këtë kampionat evropian.
Por 26-vjeçari mund të mos ishte bërë fare futbollist nëse do të ishte pranuar në radhët e policisë të Rheinland-Pfalz.
Përpara se 26vjeçari të bëhej një lojtar profesionist në Holandë me ekipin e Vitesse-s, tentoi që të bëhej agjent policie. Por aplikimi në landin e North Rin-Vestfalisë u refuzua, sepse e kishte një këmbë më të shkurtër sesa tjetra vetëm me 0.5 milimetra.
Megjithatë, Gozens e kaloi testin e parë në landin e Rheinland-Pfalz, por i ati i tij holandez, e bindi atë që të vazhdonte të merrej me futbollin.
Në Gushtin e shkuar, mbrojtësi u thirr për herë të parë në kombëtare. Trajneri Hoakim Lëv nuk mund ta injoronte yllin e Atalantës, që në 149 takime të luajtura që kur u bë pjesë e ekipit në 2017 ka shënuar 27 gola dhe ka dhënë 20 asiste.
Në sezonin 2019-20 dhe në 2020-21 Gozens ishte një nga golashënuesit më të mirë të bergamaskëve duke shënuar respektivisht 9 gola dhe 11 gola, numra të paprecedentë për një mbrojtës.
