Reforma në drejtësi, Metani: Nuk është koha për të folur për arritje, duhet të kthejmë besimin e publikut

Artur Metani, kreu i ILD, u shpreh sot se rrugëtimi i reformës në drejtësi nuk ka më kthim pas. Sipas Metanit, kjo reforme përbën një nga ndërmarrjet më të mëdha për demokracinë dhe shtetin e së drejtës në Shqipëri. Metani vuri theksin në kthimin e besimit të publikut te drejtësia, si një element mjaft i rëndësishëm.

“Eshtë një nga reformat më të thella kushtetuese, ligjore dhe institucionale, që ka prekur sistemin e drejtësisë jo vetëm në vendin tonë, por padyshim nder reformat me te thella krahasuar edhe me sisteme te tjera drejtesie.
Reforma në drejtësi, është një proces transformimi, i cili kërkon kohën e vet për të realizuar qëllimin, për të cilën ajo u ideua dhe hartua.

Megjithatë, une mendoj se organet e reja të drejtesise kanë filluar te funksionojnë, kane filluar të ushtrojnë kompetencat e tyre në masën më të madhe të tyre, kanë filluar dhe të japin rezultate konkrete”, tha Metani.
Ai theksoi se tashmë nuk është koha dhe as faza në të cilën ndodhet procesi i zbatimit të reformës në drejtësi, për të folur për arritje, pasi jemi ende larg asaj që pritet prej nesh, por edhe ne prej vetes.

LEXO EDHE  Vrasja e policit, një person në kërkim /FOTO-VIDEO

“Por, une mendoj se eshte vendi te thuhet se procesi i reformimit të sistemit të drejtësisë dhe funksionimi i organeve të reja, efikasiteti dhe suksesi i tyre dhe në teresi i zbatimit të së drejtës në Shqipëri, kërkon mbështetjen dhe bashkëpunimin intensiv dhe të vazhdueshëm ndërmjet vete këtyre organeve, por edhe te akademikëve, ekspertëve, organizatave të shoqërisë civile, medias dhe partnerëve tanë ndërkombëtare si BE dhe SHBA, të cilat e kanë mbështetur këtë reformë jo vetëm financiarisht, por edhe në krijimin dhe zbatimin e një mënyre të re të menduari apo mentaliteti të ri, me qëllim ndryshimin e kulturës së korrupsionit dhe pandëshkueshmërisë ne Shqipëri”, tha ai.