Një punonjës i policisë Ushtarake në repartin Nr.6620 në Rinas, ka ngritur në këmbë strukturat policore, të cilat ishin njoftuar se usharaku ishte qëlluar në banesën e tij me armë zjari nga persona ende të paidentifikuar.
Ngjarja ka ndodhur në 14 qershor 2021 në banesën e punonjësit të Forcave të Armatosura, të identifikuar me inicialet M.M.
Por pas verifikimeve të kryera është mësuar se ai ishte vetëplagosur në dorën e majtë.
Qitja e armës është kryer e pavullnetshme dhe arma tip pistoletë “TT”, është armatim që i përket shërbimit të ushtrisë.
Punonjësi i policisë Ushtarake, ka pretenduar në dëshminë e tij se ishte duke e fshirë dhe pastruar armën, kur në mënyrë të pavullnetshme ka kryer qitje me armën e shërbimit dhe është plagosur aksidentalisht.
/OraNews/