Administratori i një lokali në Lushnjë ka rënë në prangat e policisë, pasi është konstatuar duke organizuar lojëra fati të paligjshme në lokal, njoftoi policia.
Policia ka sekuestruar pajisjet elektronike që shërbenin për ushtrimin e këtij aktiviteti.
Në pranga ka rënë Klodjan Dervishi 27 vjeç, banues në Lushnjë.
Gjatë kontrollit në lokalin e marrë me qira nga 27 vjeçari u gjetën dhe u sekuestruan 4 aparatura të lojërave të fatit, 1 laptop, 2 tableta dhe 7 televizorë, që shërbenin për ushtrimin e aktivitetit të kundërligjshëm të lojërave të fatit.
Arrestimi i 27-vjeçarit u bë për veprat penale “Organizim i lotarive të palejuara” dhe “Vënia në dispozicion e lokaleve për lojëra të palejuara”.
