Laurel Hubbard nga Zelanda e Re është bërë atletja e parë transgjinore që u zgjedh për të garuar në një Olimpiadë, pas një vendim të diskutueshëm.
Zyrtarët e kanë zgjedhur për ekipin e peshëngritjes për femra, Tokyo 2020, pasi kërkesat për t’u kualifikuar u ndryshuan kohët e fundit. Ajo kishte konkurruar në garat për burra, para se të deklarohej si transgjinore në vitin 2013.
Kritikët thonë se Hubbard ka një avantazh të padrejtë, por të tjerët kanë argumentuar për më shumë përfshirje të tilla në Lojëra.
“Unë jam mirënjohëse dhe e përulur nga mirësia dhe mbështetja që më është dhënë nga kaq shumë Zelanda të Re”, tha Hubbard.
43-vjeçarja u kualifikua në Lojërat Olimpike kur Komiteti Olimpik Ndërkombëtar në vitin 2015 ndryshoi rregullat e tij duke lejuar atletët transgjinorë të garojnë si gra, nëse nivelet e tyre të testosteronit janë nën një nivel të caktuar (estosteroni është një hormon që rrit masën muskulore).
Nivelet e testosteronit të atletes janë nën këtë nivel, por sërish kritikët thonë se pjesëmarrja e saj në Olimpiadë është ende e padrejtë për atletet e tjera. Ata kanë treguar avantazhet biologjike të atyre që kanë kaluar pubertetin si meshkuj, siç janë rritja e dendësisë së kockave dhe muskujve.
Megjithatë, mbetet për t’u parë si do të shkojë gara dhe nëse Laurel Hubbard do të rrëmbejë ndonjë çmim në Tokyo 2020.
