Anglia zbret në fushë me laps e letër? Nëse fiton, mund të përballet me Gjermaninë

Anglia e Southgate zbret këtë mbrëmje në fushë për të luajtur ndeshjen e fundit në grup. Përballë gjejnë Çekinë, një ekip shumë në formë dhe që aktualisht mban kryesimin e grupit falë golavarazhit, duke i lënë “tre luanët” pas.

Të dyja skuadrat janë të kualifikuara më tej, ndërsa mbetet të ndajnë vetëm pozitën e parë dhe të dytë në grupin D.

Fitorja e Anglisë dhe barazimi shihen si opsionet më të mundshme të kësaj sfide. Për të dalë e para në grup, Anglisë i duhet vetëm fitorja, ndërsa në rast barazimi apo disfate del e dyta. Cekët nga ana tjetër duhet vetëm të mos humbin që të mbajnë kryesimin e grupin.

Megjithatë, fitorja e grupit D do të thotë me shumë gjasë një kundërshtar më i fortë në turin e 1/16.

Ekipi që del i pari në grupin D do të përballet në Wembley më 29 Qershor me të dytën e grupin F. Aktualisht në këtë pozitë në grupin F ndodhet Gjermania dhe nëse në ndeshjen e fundit gjermanët mundin Hungarinë dhe Franca-Portugalinë, “Panzerat” e mbyllin grupin të dytët.

LEXO EDHE  Griezmann gati të largohet nga Barcelona

Megjithatë të gjithë skenarët janë të hapur dhe të dytët në këtë grup mund të përfundojnë si Portugalia ashtu dhe Franca. Nuk përjashtohet as Hungaria, megjithatë ka pak gjasa që ata të mundin Gjermaninë. Kështu që do të duhet të presim deri të Mërkurën kur luhen ndeshjet e fundit të këtij grupi.

Ndërkohë, e dyta e grupit D (mes Anglisë dhe Çekisë) do të luajë me të parën e grupit E në Kopenhagen më 28 Qershor. Grupi D aktualisht kryesohet nga Suedia, ndjekur nga Sllovenia dhe e treta Spanja.

Sidoqoftë, të paktën për nga forma aktuale, për Anglinë e Çekinë si kundërshtari i ardhshëm duket më i lehtë fituesi i grupit D (cilido qoftë fituesi), sesa skuadra që do të dalë e dyta nga grupi F.