VIDEO/ Momenti i atentatit ndaj Spiro Iljadhit, pronarit të Orange në Sarandë

Mëngjesin e së dielës, Spiro Iljadhi, 35 vjeç, pronar i lokalit të njohur Orange në Sarandë, mbeti i plagosur si rezultat i një atentati me armë zjarri.

Nga raportimet ndaj Iljadhit u qëllua me breshëri plumbash automatike, ndërsa policia gjeti rreth 20 gëzhoja.

Ngjarja ndodhi afër lokalit të tij, rreth orës 03:50 të mëngjesit të ditës së dielë, ndërsa disa orë pas ngjarjes policia identifikoi si autorë shtetasit Andrea Caushi, Visi Caushi (vëllezër) dhe shoku i tyre Redjan Hadëri. Policia tha se plagosja ka ndodhur pas një konflikti të çastit.

Policia arrestoi sot Hadërin, si një nga autorët e dyshuar të ngjarjes, por gjithashtu ndaloi edhe të plagosurin Iljadhi.

Video e mëposhtme tregon momentet e atentatit, që i ngjajnë skenave të një lufte. Breshëri armësh dhe ulërima, që jo vetëm kanë prishur qetësinë e natës, por kanë shkaktuar panik dhe frikë te banorët.

LEXO EDHE  Djali i Soros me pushime në Shqipëri, pozon foto me Edi Ramën

Plumbat kanë kapur rastësisht edhe pushuesin shqiptaro-amerikan Marin Jano, 33-vjeç. “Orange” është nje nga klubet e natës më të njohura në Sarandë, vend i organizimit të shumë spektakleve të këngëtarëve VIP. Pak ditë më parë Iljadhi, kishte hapur një filial të ri të lokalit “Orange” në Ksamil.

3 autorët kanë qëlluar me breshëri automatiku në drejtim të biznesmenit duke i shkaktuar disa plagë. Të plagosurit fillimisht u transportuan me urgjencë në spitalin e Sarandës, më pas biznesmeni u dërgua me helikopter drejt Tiranës, ku iu nënshtrua dhe një operacioni.

Spiro Iljadhi njihet si biznesmen në zonë dhe është pronar i lokalit “Bar Orange” në Sarandë dhe Orange Pizza & Grill Lounge” në Ksamil.