Dasho: Vendimet e Ministrisë së Shëndetësisë bëhen për propagandë

I ftuar në Intervista e Ditës në SYRI TV, mjeku dhe eksperti i DSHP-së Erion Dasho ka folur në lidhje me vendimin e pezullimit të kontratave nga Ministria e Shëndetësisë që prek 1 mijë mjekë specializantë.

Dasho: Nuk është hera e parë që ka vështirësi për të kuptuar veprimet e Ministrisë së Shëndetësisë. Fatmirësisht për ne dhe fatkeqësisht për mjekët në Shqipëri, ajo që ka karakterizuar gjatë gjithë kësaj kohe vendimet MSH, ka qënë jo nisja nga nevojat e pacientëve apo mjekëve por nisja shpesh nga propaganda, duke rënë ndesh qoftë me interesat e pacientëve qoftë me interesat e mjekëve. Në rastin konkret bëhet fjalë për mjekë të cilët u angazhuan gjatë periudhës së pandemisë për të mbushur atë boshllëk të madh që ekziston mes nevojës për burime shëndetësore dhe disponueshmërisë së tyre. Vitet e fundi Shqipëria është vendi i fundit në evropë për sa i përket numrit të mjekëve për banorë. Madje për të gjetur nivele si ky i Shqipërisë duhet të kalojmë kontinentin evropian dhe të shkojmë në vendet e varfra të Azizë apo Afrikës.

LEXO EDHE  Gjuhëtarët në protestë, kundër bunkerizimit të Akademisë së Shkencave nga Gjinushi

Në këto kushte kur nisi pandemia e Covid-19, një pjesë e mjekëve që ishin specializantë apo që ishin të lirë, u kontraktuan nga MSH dhe u vendosën në dispozicion të drejtorive të kujdesit shëndetësor qoftë në spitale qoftë në qëndra shëndetësore që trajtonin pacientë me Covid.

Në kushtet kur epidemia ka kohë që ka përfunduar në Shqipëri dhe vendi ka disa muaj që ka arritur imunitetin e grupit, këta mjekë nuk duhen më. Pra si në çdo rast MSH, pasi ka kaluar hallin, i hedh në kosh kontributet e mjekëve.