Danimarka e madhe bën mrekullinë, kualifikohet për 1/8 e Euro 2020

Danimarka ka bërë mrekullinë në takimin e fundit në grupe. Danezët shënuan fitoren e madhe ndaj Rusisë me rezultat 1:4 dhe u kualifikuan në fazën 1/8 me vetëm tri pikë të mbledhura.

Damsgaard shënoi golin e parë në minutën e 38-të, rezultat me të cilin u krye pjesa e parë.

Poulsen e dyfishoi epërsinë në të 59-tën, para se Dzyuba të ngushtonte epërsinë nga penalltia 11 minuta më vonë.

LEXO EDHE  Pamje të rënda/ Kundërshtari vendos duart në kokë, ylli i MMA pëson dëmtim “horror”

Christensen dhe Maehle shënuan nga një gol të bukur për rezultatin final 1:4.

Me këtë fitore, Danimarka kualifikohet nga vendi i dytë në 1/8 e finales.

Danezët grumbulluan tri pikë, aq sa kishin edhe Finlanda dhe Rusia, por Danimarka kishte goldallim më të mirë.

Në vendin e tretë mbetet Finlanda dhe do të shpresojë të kualifikohet, por do ta ketë shumë vështirë.