Prokurori Sali Hasa u arrestua me urdhër të SPAK, dalin detajet e reja

Zbardhen të tjera detaje nga arrestimi i prokurorit Sali Hasa. Ky i fundit u arrestua dje me urdhër të SPAK, ndërkohë që sipas Faxnews, ka pasur edhe kallëzime penale, për zvarritje të çështjeve.

Disa kohë më parë grup banorësh të fshatit të Kakome, bënë kallëzim ndaj Sali Hasës dhe dy kolegëve të tij, me argumentin se ata zvarrisin hetimin për vjedhjen e pronave të tyreme dokumente false.

Sipas banorëve Hasa, dhe dy prokurorë të tjerë kishin në hetim çështje penale të vjedhjes së pronave të Kakomesë me dokumenta false dhe nuk merrnin asnjë masë për denoncimet dhe proceset gnyqësore që banorët e Nivicës kishin me persona të ndryshëm. Gjithashtu ndaj prokurorit të arrestuar në ambientet e zyrës së tij, ka pasur edhe një hetim disiplinor nga ana e Këshillit të Lartë të Prokurorisë, raporton Faxnews.

Hetimi disiplinor ndaj prokurorit ka nisur nga KLP, pas ankesave dhe informacioneve që ky institucion ka marrë për abuzime dhe qëndrim jo korrekt në detyrë.

LEXO EDHE  ‘Nuk dinte not, e mori rrjedha e lumit’/ Flet mes lotësh babai i 13-vjeçares së mbytur në lumin Buna

Po ashtu emri i tij është denocuar në disa media, ku qytetarë të Sarandës nëpërmjet denoncimeve, janë shprehur se Hasa mban peng hetimin e dosjeve.

Me vendim të Gjykatës së Posaçme, policia arrestoi mëngjesin e së shtunës në zyrën e tij, prokurorin e Sarandës, Sali Hasa, i cili akuzohet për veprën penale të korrupsionit pasiv.

Shkak për arrestimin e prokurorit janë dyshimet se ka pushuar akuzën për plagosje për shtetasin Emiljano Mirani, pasi ka marrë ryshfet nga motra e tij, Elsona Papa. Gjithashtu SPAK urdhëroi edhe arrestimin e oficerit të Policisë Gjyqësore, Napolon Hodaj, i cili dyshohet se në bashkëpunim me ish- ekspertin mjeko-ligjor, Hysen Korenica kanë mundësuar shpëtimin nga akuzat të një personi të akuzuar për “vjedhje me dhunë” dhe “plagosje”.