E duan Interi e Bayerni, Dumfries: Nuk më plas fare

Denzel Dumfries është një nga surprizat më të bukura të Holandës në Euro 2020. Skuadra e De Boer i ka fituar dy takimet e para në grupin C, ka siguruar kualifikimin, teksa 25-vjeçari i PSV-së ka gjetur rrugën e rrjetës në të dy ndeshjet.

Interesimi për lojtarin e krahut të djathtë është i madh, mbi të gjithë nga Bayern Munchen dhe Inter. “Nuk më interesojnë zërat e merkatos, unë vazhdoj të luaj futbollin tim, por e di që duhet të përmirësohem edhe më shumë.

Dua të rritem, në mënyrë që të mësoj si të zgjedhe pozicionin e duhur në fushë, në qarkullimin e topit, në pasime. Dua të përmirësoj performancat e mia dhe të jem në gjendje të marr vendimet e duhura në ndeshje.

LEXO EDHE  13 vjeçe dhe kampione olimpike, Momiji Nishiya thyen çdo rekord për Japoninë

“Do të hedh një hap përpara, por kur të vijë momenti i duhur. Për momentin jam i përqendruar vetëm tek Euro 2020. Të shohim se çfarë do të ndodhë në vijim, rëndësi ka që të qëndrojmë të fokusuar te kombëtarja“, deklaroi Dumfries, të cilin PSV e vlerëson 20 milion euro.