Yuri Kim takim online me udhëheqës të komunitetit të diasporës shqiptaro-amerikane: Kontribuoni për forcimin e Shqipërisë

Ambasadorja e SHBA, Yuri Kim ka zhvilluar një takim virtual me udhëheqës të komunitetit të diasporës shqiptaro-amerikane në fillim të kësaj jave.

Ambasada informon se në takim u diskutua për marrëdhëniet Shqipëri-SHBA, përparimin në fushat e demokracisë, mbrojtjes e biznesit.

Kim i përgëzoi anëtarët për punën filantropie dhe i nxiti të vijojnë kontributet për forcimin e Shqipërisë.

STATUSI NGA AMBASADA E SHBA

LEXO EDHE  Qindra ullinj përpihen nga zjarri në Lushnjë, flakët u afrohen shtëpive dhe varrezave (Video)

Ambasadorja Kim pati kënaqësinë të takohej virtualisht me udhëheqës të komunitetit të diasporës shqiptaro-amerikane në fillim të kësaj jave. Ata diskutuan marrëdhëniet SHBA-Shqipëri dhe përparimin e bërë në përparësitë e Ambasadës në fushat e demokracisë, mbrojtjes dhe biznesit. Ambasadorja përgëzoi anëtarët e diasporës për punën e tyre filantropike dhe i nxiti ata të vijojnë kontributet e tyre të rëndësishme për forcimin e Shqipërisë.