‘Boy’, luani i cili shquhet për parshi miket me saktësi të lartë në këtë kampionat europian ka dhënë “verdiktin” e tij edhe për super-sfidën e sotme mes Portugalisë dhe Gjermanisë.
Luani i cili jeton në kopshtin zoologjik Khon Kaen në verilindje të Tajlandës ka parashikuar saktë deri më tani fitoren e Anglisë ndaj Kroacisë, atë të Holandës ndaj Ukrainës, të Francës ndaj Gjermanisë, Portugalisë ndaj Hungarisë, etj.
‘Boy’ bën parashikimet e tij duke zgjedhur copën e mishit të varur në çdo flamur të skuadrave, që i ofrohen atij në një tel.
Dy parashikimet e vetme që nuk rezultuan të sakta ishin ato të takimeve Spanjë-Suedi dhe Angli-Skoci, ku kafsha zgjodhi copat e mishit me flamurin e Spanjës dhe Skocisë. Megjithatë, është i justifikuar deri në një farë pike, pasi kujdestarët e kopshtit nuk i ofrojnë të zgjedhë opsionin e barazimit, siç përfunduan në fakt të dyja ndeshjet.
Lidhur me super-sfidën e sotme mes Portugalisë dhe Gjermanisë, felini parashikon triumfin e gjermanëve.
