Vrau gruan 20-vjeçare/ Ja 5 gënjeshtrat që fundosën pilotin grek

Babis Anagnostopoulos tashmë ka pranuar krimin e mbytjes së gruas së tij 20 vjeçare në Glyka Nera.

Por ato që e fundosën Babis janë 5 gënjeshtra që pilotit 32-vjeçar sajoi dhe që binin në kundërshtim me faktet që policia kishte gjetur.

Mediat greke, bazuar në burime policore thonë se kontradiktat e Babis Anagnostopoulos janë:

-Ai dëshmoi se ishte i lidhur në një shtyllë, ndërsa u zbulua se ishte i lidhur në një pozicion tjetër.

-Ai dëshmoi se i ra të fikët, por hetimi provoi se ai po përdorte celularin e tij.

-Ai e mbylli dhe e zhbllokoi celularin disa herë, ndërsa supozohej të ishte pa ndjenja dhe i lidhur në shtyllë.

Kamera në katin përdhes regjistroi mesnatën e 11 majit, 32-vjeçarin që lëvizte me fëmijën në krahë. Në orën 1:19 të mëngjesit pamjet filmike të kamerës në katin e parë u ndërprenë. Grabitësit erdhën shumë më vonë sipas asaj që ka dëshmuar piloti.

Një tjetër arsye përse dyshohet se ka kryer vrasjen është se kohët e fundit, Caroline kishte kërkuar hotel për të qëndruar pasi donte të largohej nga shtëpia së bashku me foshnjen.

LEXO EDHE  Vizitat e Aleks Soros në Tiranë, mirë për Ramën dhe Veliajn, keq për Shqipërinë dhe shqiptarët

Në fakt, nga mesazhet që kanë shkëmbyer, duket se çifti kishte debate. Informacioni thotë se edhe natën e vrasjes, ata ishin grindur me njëri-tjetrin.

Babis Anagnostopulos u mor për tetë orë në pyetje nga policia greke. Fillimisht nuk ka pranuar asnjë lidhje me ngjarjen, por është “thyer” në vazhdim, sapo ekspertët e policisë  i vunë përpara provat, të cilat nuk mundi të justifikojë.

Ai nuk mund të kundërshtonte provat e policisë dhe pranoi se kreu vrasjen sepse gruaja e tij i tha se ishte e vendosur ta merrte fëmijën dhe ta linte.

“E vrava Karolinën. Shkak u bënë debatet që kishim atë natë. Ajo thjesht erdhi në mendjen time atëherë. Hodha fëmijën në krevat. E mbyta dhe më pas mendova grabitjen,” tha autori.