Të gjithë blerjet e reja në fushë, Partizani i Dajës po merr formë

Partizani duket se po merr formë me afrimet e fundit. Herald Marku, Dajan Shehi dhe Emiljano Musta, janë 3 futbollistët që i janë bashkuar deri më tani zyrtarisht skuadrës së Ilir Dajës.

Ndërkohë një lëvizje tepër e rëndësishme ishte dhe ajo e Bardhit, që rinovoi kontratën me “Demat e Kuq”.

Partizani është duke vijuar përgatitjet me ritme të larta në Ohër, në prag të sfidës së Ligës së Konferencave.

LEXO EDHE  Kur Nora Gjakova luftonte për të artën, RTSH transmetonte ndeshjen e Serbisë

Klubi bën me dije se lojtarët po stërviten 2 herë në ditë. Me afrimet e fundit, të kuqtë duket se po kompletohen, duke mbushur edhe boshllëqet e lënë nga futbollistët e larguar.