Organizonte lojëra fati në lokal, arrestohet pronari në Berat

Policia e Beratit ka njoftuar ka proceduar tre persona, një prej të cilëve është pronari i një lokali në Poliçan që organizonte lojëra fati të paligjshme.

Burimet policore bëjnë me dije se është arrestuar në flagrancë shtetasi K. T., 32 vjeç, banues në Poliçan, pasi në ambientet e lokalit në pronësi të tij, të cilin e kishte të paregjistruar si subjekt tregtar, u konstatua duke ushtruar aktivitetin e paligjshëm të lojërave të fatit online, nëpërmjet celularit.

LEXO EDHE  Raporti i DASH, PD: Shqipëria ka qeverinë më të korruptuar në Europë

Po ashtu Policia njofton se ka proceduar shtetasin L. K., 46 vjeç, banues në Dimal, pasi gjatë kontrollit u konstatua duke ushtruar aktivitetin në lokalin e tij, i papajisur me kasë fiskale.

Gjithashtu filloi procedimi penal për shtetasin L. R., 49 vjeç., pasi me anë të mashtrimit ka përfituar një shumë eurosh nga një shtetas nga Mbretëria e Bashkuar.

Materialet i kaluan Prokurorisë së Rrethit Gjyqësor Berat, për veprime të mëtejshme.