Christian Eriksen u operua të enjten në mbrëmje në spitalin e Rigshospitalet në Kopenhagë, ku u shtrua nga e shtuna e kaluar kur ai u shemb në fushë gjatë ndeshjes Belgjikë-Danimarkë.
Lojtarit iu vendos një defibrilator kardiak automatik nën lëkurë. Një ndërhyrje e konsideruar rutinë, në fushën mjekësore, e cila do të ndryshojë jetën e lojtarit danez përgjithmonë. E ardhmja sportive e lojtarit të Interit, gjithashtu, është seriozisht në rrezik.
Nuk mund ta përjashtojmë mundësinë për ta parë në fushë në Serie A, por në ditët e sotme mund të themi se shanset janë zvogëluar.
Në Itali nuk lejohet pjesëmarrja në gara për ata që kanë vendosur një defibrilator që përdoret për rregullimin e aritmisë kardiake.
Për Eriksen, megjithatë, ka edhe një lajm të mirë, të shtunën ai do të largohet nga spitali i Kopenhagës dhe do të jetë në gjendje të kthehet në shtëpi.
