Ish-ministri i Shëndetësisë, Petrit Vasili, ka reaguar përmes rrjeteve sociale, lidhur me një vendim të Ministrisë së Shëndetësisë, e cila i ka ndërprerë kontratat 1 mijë mjekëve specializantë, që u angazhuan gjatë muajve më të vështirë të pandemisë, duke shërbyer në disa nga spitalet me fluksin më të lartë të pacientëve.
Vasili shkruan se vendimi është arbitrar, ndërsa akuzon drejtuesit e Ministrisë së Shëndetësisë, si arrogantë dhe të pa mend.
Vasili shpjegon se mjekët specialistë kanë një rol të rëndësishëm në spitalet e vendit dhe se pretendimi i Ministrisë së Shëndetësisë se këta mjekë duhet marrin miratimin paraprak të saj është absurd.
“Qindra mjekëve specializantë rilindja u ndërpret Kontratën e Punes! Një vendim arbitrar, i pa mend dhe arrogant u ndërpret mjekëve specializantë kontratën e punës.
Kush kupton fare pak mjekësi dhe njeh realitetin e përditshëm të spitaleve tona dhe e di shumë mirë ngarkesën dhe rolin e mjekëve specializantë.
Pretendimi i Ministrise se Shendetësisë se këta duhet marrin miratimin paraprak të saj është i trashë dhe pa kuptim.
Çdo lek që kanë marrë deri tani specializantët eshte miratuar nga Ministria dhe Drejtoritë Rajonale nuk i kanë paguar nga xhepi i tyre”, shkruan Vasili.
