Kadilli: Ja çfarë do të kërkoj sot në mbledhjen e Kryesisë

Anëtari i Kryesisë së Partisë Demokratike, Fatbardh Kadilli, deklaron se do të marrë pjesë në mbledhjen e Kryesisë, që pritet të nisë sot në orën 11:00.

Kadilli thekson se do të kërkojë në mbledhje që manifesti politik për ringritjen e PD të konsiderohet si dokument politik bazë për ndryshimet statutore, që do t’i paraqiten Kuvendit Kombëtar.

“Në mbledhjen e Kryesisë do të kërkoj që Manifesti Politik për Ringritjen e PD të konsiderohet si dokument politik bazë për ndryshimet statutore që do t’i paraqiten Kuvendit Kombëtar. Manifesti Politik propozon një shndërrimi rrënjësor në PD. Zgjeron demokracinë e brendshme, forcon rolin e anëtarësisë në vendimmarrje, garanton karrierën dhe mbi të gjitha krijon terrenin për cdo iniciative politike. Ne duhet të ndërtojmë një PD të pastër, të hapur, të bashkuar dhe fituese”, ka thënë Kadilli.

LEXO EDHE  E rëndë/ 30-vjeçari jep fund jetës në Librazhd