Një 42-vjeçar me iniciale M.Xh., banues në Cakran të Fierit, u arrestua pasi në banesën e tij është gjetur nga policia hashash dhe një armë pa leje.
Burime zyrtare konfirmuan këtë të Premte se aksioni i koduar “Vreshtas”, erdhi pas “informacioneve të siguruara në rrugë policore”.
“Arrestimi i këtij shtetasi u bë pasi gjatë kontrollit të ushtruar në territorin e banesës, u gjetën dhe sekuestruan në cilësinë e provës materiale 56.3 kg lëndë narkotike cannabis sativa, 2785 fara kanabisi, fidanë të dyshuar cannabis sativa të kultivuar në vazo lulesh, 1 armë gjahu karabinë, sende që shërbejnë për kultivimin e bimëve narkotike dhe 2 aparate celularë”, njoftoi policia.
Materialet proceduriale i kaluan Prokurorisë pranë Gjykatës së Shkallës së parë Fier për veprat penale “Prodhimi dhe shitja e narkotikëve”, “Trafikimi i lëndëve narkotike”, “Kultivimi i bimëve narkotike” dhe “Mbajtja pa leje e armëve të gjuetisë dhe sportive”, shtuan të njëjtat burime.
DENONCO