Golashënuesit më të mirë dhe rekordet, çfarë ka ndodhur në një javë në EURO 2020

Euro 2020 ka shënuar disa rekorde dhe risi që në nisje të tij. Në një ndeshje të vetme, Ronaldo vendosi tre rekorde të reja me dy golat e tij ndaj Hungarisë. Ai është bërë golashënuesi më i mirë i finaleve të Europianit me 11 gola, duke lënë pas Mishel Platini.

Gjithashtu, portugezi është bërë futbollisti më i vjetër që shënon dy gola në raundet finale të Europianit si dhe është i vetmi lojtar që merr pjesë në 5 kampionate europiane.

Goli i dytë i Patrick Schick në fitoren e Çekisë në Skoci futet në rekordet e Europianit si i dyti për nga distanca. Sulmuesi çek realizoi nga 45 metra, 5 metra më pak se një gol i vitit 1980.

LEXO EDHE  Dëmtohet Sergio Ramos, humb superkupën ndaj Lille

Në ndeshjen Poloni-Sllovaki, që përfundoi 1-2, goli i parë i sllovakëve u shënua nga vetë portieri Shezni. Autogoli i numrit një të Juventus ka vendosur një rekord, sepse është i pari në histori i realizuar nga një portier në fazën finale të Europianit.

Risi kishte që në ndeshjen e parë mes Italisë dhe Turqisë. Të kaltrit fituan me 3 gola në takimin hapës, gjë që nuk kishte ndodhur në një Europian për axurrët, ndërsa Anglia nuk fitonte kurrë në ndeshjen hapëse të kampionatit europian.

Për sa i përket golashënuesve më të mirë, Patrik Schick, Cristiano Ronaldo, Manuel Locatelli, Denzel Dumfries dhe Romelu Lukaku gjithashtu kanë shënuar deri më tani nga dy gola.