Pasi frenoi Spanjën në një barazim pa gola në Sevilla, Suedia ia doli të mposhtë 1-0 Sllovakinë në takimin e dytë të grupit E në Euro 2020.
Fare pak emocione dhuroi pjesë e parë e ndeshjes së luajtur në stadiumin “Gazprom Arena” të Shën Petersburgut. 45 minutat e dyta ishin më të bukura dhe të luftuara.
Suedia dominoi ekipin kundërshtar në fraksionin e dytë. Në minutën e 70-të, Isak dhuroi spektakël, por u ndal nga portieri sllovak. Shtatë minuta më vonë erdhi goli i fitores.
Penallti për kombëtaren vikinge dhe Emil Forsberg, sulmuesi 29-vjeçar i gjermanëve të Leipzig, gjuajti saktë duke dërguar topin në rrjetë.
Djemtë e Janne Andersson menaxhuan mirë minutat e mbetura dhe festuan në fund triumfin e parë në Euro 2020. Suedi kryeson grupin me 4 pikë, ndërsa Sllovakia, që mposhti 2-1 Poloninë në debutim, mbetet me tre pikë.
