Një baba është ekzekutuar publikisht pasi u shpall fajtor për vrasjen e tre vajzave të tij në Jemen.
Ali Abdullah al-Noami mbyti tre vajzat e tij Rahaf, 7 vjeç, Raghad, 12 vjeç dhe Malak, 14 vjeç, në një rezervuar me ujë pas një grindje me gruan e tij.
Babai u dërgua në Sheshin qendror Tahrir bashkë me dy burra të tjerë të dënuar për përdhunim dhe vrasje të fëmijëve.
Të tre të burgosurit u vunë me fytyrë për tokë para se xhelatët t’i qëllonin nga pas.
Një “xhelat” duke përdorur një pushkë Kalashnikov AK-47 më pas qëlloi të tre burrat në pjesën e pasme në pamje të plotë të një turme të madhe spektatorësh, disa prej të cilëve po filmonin ekzekutimet në celularët e tyre dhe kamera.
Ky ishte ekzekutimi i parë publik që nga gushti i vitit 2018, kur rebelët qëlluan dhe vranë tre burra dhe i varën në një vinç pasi kishin përdhunuar dhe vrarë fëmijët e tyre.
Ligjet aktuale në Jemen lejojnë dënimin me vdekje për një gamë të gjerë krimesh përfshirë vrasjen, rrëmbimin, përdhunimin, tradhtinë bashkëshortore, homoseksualitetin dhe një numër të veprave fetare.
