Shkarkohet nga detyra prokurori i Tropojës

Prokurori Agim Dalipaj pas seancës dëgjimore me KPK

Prokurori i Prokurorisë së Tropojës, Agim Dalipaj është shkarkuar nga Komisioni i Pavarur i Kualifikimit. Vendimi i shkarkimit u njoftua këtë të Enjte nga trupa gjykuese e përbërë nga Lulzim Hamitaj-kryesues, me relatore Genta Tafa Bungon dhe anëtare Alma Faskajn.

Dalipaj u përball të të martën e 15 qershorit me Komisionin e Pavarur të Kualifikimit në seancë dëgjimore dhe iu konstatuan probleme për kriterin e pasurisë dhe profesionalizmin. Ndërkohë, u vlerësua pozitivisht për pastërtinë e figurës.

LEXO EDHE  Aksidenti tragjik në Kroaci, postimi prekës i djalit të shoferit që vdiq: Ah mar bab…

Agim Dalipaj e ka filluar karrierën në vitin 1992 dhe ka punuar për më shumë se një dekadë si prokuror i Prokurorisë së Lezhës. Prej vitit 2015, ai ushtron funksionin si prokuror i emëruar në Tropojë.