Ergi Dini këngëtari i talentuar nga Shkodra, humbi jetën 5 vite më parë nga një aksident rrugor. I riu u shua në moshën 22-vjeçare, por familja e tij po mban gjallë kuijtimin e tij.
Sot ata kanë publikuar këngën më të fundit që Ergi Dini realizoi pak muaj para se të ndërronte jetë.
Kanë qenë e motra e të ndjerit, Barbara Dini dhe babai i saj, Dashamir Dini, që publikuan përmes një postimi në rrjete sociale lajmin me këngën e të birit të tyre. Kënga mban titullin “Loco” dhe sapo është publikuar në kanalin e Barbarës në Youtube.
“E publikojmë pikërisht sot duke qenë se ishte një material muzikor i përshtatshëm për stinën e verës! Jemi munduar të përshtatim diçka duke pasur mungesë materialesh filmike të tij për ta shoqëruar dhe duke pasur parasysh faktin që shumë nga ju e deshët pafund dhe do donitë të dëgjonit diçka të re nga AI!“, ka shkruar Dini.
Kënga është publikuar dhe nga Dashamir Dini babai i këngëtarit të ndjerë.
