Partizani “zgjohet” në merkato, drejtori teknik konfirmon Herald Markun dhe rinovimin me…

Drejtori i Partizanit, Olsi Rama, ka konfirmuar lajmin për afrimin në skuadër të mesfushorit Herald Marku.

I ftuar në studion e “Rubrikës Sportive”, Rama bëri me dije se ishi i Vllaznisë do të firmos zyrtarisht nesër, ndërkohë që gjithashtu zbuloi se edhe Jurgen Bardhi, do të rinovojë, duke qenë pjesë e të kuqve edhe në vazhdim.

Situata te Partizani- Mendova ta hiqja pak mendjen nga Partizani sot, se nuk e keni idenë çfarë stresi është. Mbas punës dhe stresit vijnë rezultatet. Kemi bërë disa përparime, jemi ende në bisedime me disa lojtarë të ndryshëm.

Afrime në merkato? Jurgen Bardhi është emri që mund të jap, është një nga shtyllat e Partizanit. Edhe Marku ka qenë lojtar i Partizanit. Nesër firmosim me Markun.

Nuk ishte e thjeshtë, Marku është jo vetëm një lojtar i mirë, por edhe një djalë i mirë dhe burrëror. Është e sigurt që kur jepet fjala do të firmoset.

Shorti në Ligën e Konferencës? E dinim që ishim në vazon e ekipeve të forta, shkojmë për herë të dytë në Moldavi, mbas 2 vitesh. Ekipi që do të përballemi, ka fituar Kupën, vjet bëri një paraqitje dinjitoze. U eliminua me shtesë nga Partizani i Beogradit. Unë e shikoj Partizanin të favorizuar.

 

LEXO EDHE  VIDEO/ Desh të gjuante penalltinë por me Pique nuk bëhet shaka, shihni si Manaj dorëzoi topin