Publikohen pamjet e aksidentit të ndodhur pasditen e djeshme në Durrës, ku një makinë përplasi dy persona.
Si pasojë e aksidentit, një grua rreth 70 vjeçe përfundoi në spital.
Nga pamjet e publikuara nga faqja në FB “Aksidente rrugore”, duket një automjet që përplas dy persona, gruan e moshuar dhe një burrë të cilët ishin duke kaluar në rrugë. Pas përplasjes, drejtuesi i mjetit nuk ndalon, por largohet.
Policia njoftoi se ka bërë të mundur identifikimin dhe bllokimin e mjetit të dyshuar si dhe identifikimin e autorit dhe vijon puna për kapjen e tij.
Pas përplasjes, duket se burri që u godit nga automjeti ngrihet nga asfalti, ndërsa gruaja duke që qëndron ende e shtrirë.
