Policia e Korçës ka arrestuar tre persona pasi u kapën duke kryer ndërtime pa leje, ndërsa është shpallur në kërkim pronari i ndërtesës ku po kryheshin punimet.
Burimet policore bëjnë me dije se objekti pa leje po ndërtohej në fshatin Voskopojë, ku shtetasit I. K., 45 vjeç, banues në Yzberisht, Tiranë, F. K., 44 vjeç, banues në fshatin Lavdar, Korçë dhe E. K., 34 vjeç, banues në fshatin Turan, Korçë, u kapën në flagrancë duke kryer punime të paligjshme në këtë objekt.
Gjithashtu u shpall në kërkim pronari i ndërtesës, shtetasi A. Sh., banues në Tiranë, i cili nga verifikimet e kryera rezultoi se nuk dispononte leje ndërtimi nga autoritetet kompetente.
DENONCO