Analisti Baton Haxhiu tha në studion e Opinion se meritat historike të Sali Berishës nuk mund t’i mohojë askush.
Haxhiu tha se nuk pajtohet me Berishën pvr diskursin politik me Berishën, por nuk mund t’i mohojë asnjë meritë që ai ka për Shqipërinë dhe kombin shqiptar.
Haxhiu u pyet nëse PD duhet të mbrojë ose jo Berishën pas shpalljes “non grata” nga DASH, ndërsa u shpreh se “ish-Kryeministri duhet të distancohet nga Partia Demokratike”.
” E dini ju kush e çoi në burg Hashim Thaçin? Ata që e mbështetën jo vetëm kur firmosi në Rambuje, por edhe ata që shpallën Pavarësinë e Kosovës”, tha Haxhiu.
Sipas tij, edhe në rastin e Berishës, vjen një moment që ai u ndëshkua nga SHBA dhe për këtë ai duhet të distancohet, mund të mbrohet, por jo duke përdorur PD.
Haxhiu tha se Berisha ka kontribut në formimin e shtetit demokratik në Shqipëri, por shtoi se nuk do të dëshironte që ai të kishte fatin e Sanaderit.
