Agron Shehaj, i cili garoi për postin e Kryetarit të PD, tha mbrëmjen e sotme në “Opinion” se shpallja “non grata” e ish-Kryeministrit Sali Berisha nga Departamenti amerikan i Shtetit, ishte një vendim politik nga SHBA.
Shehaj tha se është e drejta e z. Berisha se si do të mbrohet, por ai është lënduar nga vendimi i DASH, i cili ka të bëjë me aktivitetin politik të ish-Kryeministrit.
“Si mund të mbrohet z. Berisha nëse nuk do të mbrohet me qëndrime politike? Është e drejta e tij të mbrohet”, tha Shehaj.
Sipas tij, Berisha ka ndryshuar qëndrimet politike, pasi vetë e ka deklaruar se mund të tërhiqej nga politika, por pas sulmit të DASH, sikundër ai e quan, ka të drejtën e tij të mbrohet.
“Ne s’mund të flakim Berishën, as të tregohemi të pandjeshëm”, tha Shehaj, duke shtuar se ” ne s’mund të gjykojmë z. Berisha, as ta pengojmë të mbrohet”.
