Fatbardh Kadilli, i cili kandidon për postin e kreut të PD, ka votuar sot në selinë e kësaj partie, atje ku mund të votojnë anëtarët e Këshillit Kombëtar dhe deputetët.
Kadilli shprehu bindjen se do të jetë fitues i zgjedhjeve, ndërsa e konsideroi procesin si jo të barabartë. Kadilli i ka drejtuar një apel demokratëve që të mbështesin kandidaturën e tij në këtë proces.
“Është një moment shumë i rëndësishëm për PD, i ftoj të gjithë të marrim pjesë, ringritja fillon sot kur çdo anëtar merr përsipër përgjegjësitë e veta. PD-së iu rikthye kurajo dhe guximi, kjo parti do të jetë e pastër, e hapur, e bashkuar dhe fituese. Kjo garë u mbyll ashtu siç edhe nisi, e pabarabartë”, ka thënë Kadilli në një prononcim për mediat.
