Agron Shehaj, kandidat për kreun e PD, ka votuar në selinë e kësaj partie, ndërsa i ka drejtuar një apel të gjithë anëtarëve që të marrin pjesë në votime.
Shehaj tha se më e rëndësishme se kush do të jetë anëtar i PD, është standardi i këtyre zgjedhjeve, ndaj i bëj thirrje demokratëve që masivisht të shkojnë në votime dhe të përcaktojnë drejtimin e kësaj partie.
“Vërtet është i rëndësishëm fakti se kush do e drejtojë këtë parti, por më i rëndësishëm është procesi, respektimi i standardeve, i vullnetit të demokratëve”, tha Shehaj, i cili më parë denoncoi një seri parregullsish që sipas tij, janë evidentuar gjatë procesit zgjedhor.
