Tirana pranë goditjes së madhe në merkato, arrihet akordi me titullarin e Teutës

Tirana ka një akord me Rustem Hoxhën. Mbrojtësi kampion i Teutës pritet që të jetë lojtari më i ri i bardhebluve, ndërsa mes palëve vijojnë negociatat.

Newsport.al mëson se akordi tanimë është gjetur, ndërsa ende nuk ka firmë në kontratë.

Hoxha ka qenë një ndër lojtarët kryesor te Teuta sezonin që lamë pas, aty ku edhe triumfuan pas 27 vitesh në kampionat.

Duket se Tirana i ka bërë mirë llogaritë, teksa me një afrim të mundshëm të Hoxhës do forconte së tepërmi qendrën e mbrojtjes dhe do dobësonte kundërshtarët.

LEXO EDHE  Barcelona e kërkon me ngulm, Dybala gati të firmosë konratën me Juventusin

29 vjeçari është produkt i Teutës dhe prej vitesh aktivizohet në Durrës, teksa ka provuar të luajë disa kohë me Luftëtarin dhe Kukësin. Si një ndër mbrojtësit më solidë në Superligë, pritet që Hoxha të ndërrojë ambient.