Në Tiranë e Durrës po zhvillohen protesta nga maturantë, të cilët shprehin pakënaqësi ndaj provimit të maturës në lëndën e matematikës.
Maturantët kërkojnë rishikimin e provimit, ose uljen e pikëzimit të vlerësimit.
Sipas tyre, teza ishte shumë e eshtore dhe jashtë programit që iu ishte dhënë nga QSHA. Institucioni, nga tjetër, mohoi akuzat.
Maturantët kanë paralajmëruar bojkot të provimit të radhës – atij të lëndës me zgjedhje, që është dhe i fundit – nëse kërkesat e tyre nuk plotësohen.
Në Tiranë, qindra protestues janë vendosur përballë Ministrisë së Arsimit.
Në Durrës, protesta po zhvillohet para Drejtorisë Rajonale parauniversitare.
Maturantët shqiptarë, për fat të keq, konfirmuan paralajmërimin e mëhershëm të “Boldneës.al” se teza e provimit të Matematikës do të ishte i një niveli shumë të vështirë, krahasuar me mësimin e pjesshëm të kryer nga nxënësit gjatë dy viteve të fundit, për shkak të masave anti-Covid.
Redaksia raportoi më herët për “Turin e Matematikës”, duke vendosur një paralele ndërmjet tezës së vështirë të Letërsisë të dy viteve më parë, kur maturantët u detyruan të ngriheshin në protestë dhe të detyronin autoritetet arsimore që të përjashtonin një kazus nga vlerësimi përfundimtar.
