Nga Boldnews.al
Këngë, shfaqje, muzikë, brohorima, flamuj që tunden për partinë, shuplaka që rrihen plot pasion për liderin Rama. Kjo është shfaqja që pritet të prodhojë ditën e shtunë Kongresi i Jashtëzakonshëm i PS-së në kuadër të 30-vjetorit të krijimit të partisë. Në fakt vijimit të partisë që nga themelimi i Partisë Komuniste në nëntori i vitit 1941…
Py ky pritet të jetë një kongres ndryshe. Rama ka kapur atë majë që as e kishte imagjinuar, por tashmë po shijon jo fitoren normale në mandatin e tretë, por delirin e madhështisë. Propaganda do jetë objektivi kryesor. Pritet të flitet për shqipërinë 2030, për “pllanet” 5-vjeçare që do sjellin begatinë…
Pompoziteti i këtij kongresi ka qëllimin kryesor të ngritjes së kultit të vetëm një individi, Edi Ramës i cili delirin e mandatit të tretë, ndonëse e di si e ka marrë kërkon që ta kthejë në sukses tërësisht personal. Aty do të mbërrijnë plot Rilindas që tashmë mendjen prej kohësh e kanë larë dhe shpëlarë në lavatriçen e madhe të partisë. Detyra e këtyre “kongresmenëve” është të brohorasin me admirim për liderin. Nëse nuk do dinë si ta bëjnë sa më të pranueshëm nga Rama, ka plot materiale video nga Koreja e Veriut që ti përngjajë takimit në stadiumin e madh.
Ai stadium i shërbeu Ramës edhe për të bërë një grusht vaksinash, ku më shumë vlente propaganda sesa vaksnimi i popullsisë. Është vendi ideal për Ramën që në stadiumin unik me kullë, të shfaqet qindra simpatizantë, patronazhistë dhe njerëz të bindur të partisë të cilët drejtojnë edhe administratën publike.
Rolet janë ndarë dhe prej ditësh po punohet për dekorin, kuadratet, podiumin, foninë që zëri i liderit të buçasë ndjeshëm dhe më pas të orkestruara edhe duatrokitjet. Pritet që të mos mungojnë as batutat që Rama do të lëshojë, por edhe në këtë pikë do të ketë një minutazh të caktuar sesi do të qeshin pjesmarrësit, si të mundin kokën dhe si të shfaqen të lumtur me vizionet haluçinative të “kryevizionarit”.
Po thuhet se do ketë edhe kritika. Në pikën kur Rama do ia nisë nga kritikat kongresmenët do të mbajnë një qëndrim pohues me kokë kur ai flet dhe mundësisht disa prej tyre të mbajnë edhe pëllëmbët nën mjekët për të treguar se po e kuptojnë thellë, shumë thellë thelësinë e mendimeve të kryeliderit. Le të tunden flamujt e kongresit për fitoret e reja, në një spektakët që ka për qëllim vetëm të ringrejë një person dhe të gjithë të tjetër duhet të binden deri në përulje.
DENONCO