Aktivistja shqiptare takon ish-Sekretarin amerikan Pompeo: Ja kush e çoi në DASH “dosjen” e Berishës

Aktivistja shqiptare në SHBA, Evi Kokalari, ka pasur një takim me ish-Sekretarin amerikan Mike Pompeo. Ajo tregon se e ka pyetur për një nga çështjet më të bujshme të politikës shqiptare ditët e fundit: të ashtuquajturën “dosje” për ish-kryeministrin Sali Berisha i cili së fundmi u shpall dhe person ‘non grata’ nga DASH.

Në një postim në FB, Kokalari shprehet se Pompeo nuk kishte dijeni fare për çështjen dhe se ai i premtoi se administrata Traump s’ka lidhje fare me të.

Ajo shton se është e qartë që ish-ambasadori amerikan në Shqipëri Donald Lu, “e ka përpiluar dhe çuar dosjen e Berishës në DASH, por jo me kërkesë të dikujt nga Administrata e Trumpit, por me sa duket, me urdhër dhe për përfitimin të dikujt tjetri”.

LEXO EDHE  Sa të rrezikuar jemi nga varianti "Delta"? Ja çfarë thotë mjeku shqiptar në Itali

“Pata fatin të takoj dhe të flas me Sekretarin Mike Pompeo sot. Sigurisht që e pyeta nëse kishte dijeni për dosjen e Berishës, e cila supozohet të jetë hapur nga Administrata e Trump-it, – tha aktivistja. – Sekretari Pompeo s’ishte fare në dijeni për dosjen dhe as për korrupsionin e politikanëve në fjalë.

I shpjegova në detaje çfarë po ndodh, dhe ndërkohë që tha se do të telefononte Kongresmenin Lee Zeldin, më premtoi që Adminstrata Trump s’ka lidhje fare me këtë çështje.

Është e qartë që Ambasadori Donald Lu, e ka përpiluar dhe çuar dosjen e Berishës në DASH, por jo me kërkesë të dikujt nga Administrata e Trumpit, por me sa duket, me urdhër dhe për përfitimin të dikujt tjetri”, shkruan Kokalari në një postim në FB.