“Mbrëmje e mrekullueshme”, Mancini: Na ndihmuan tifozët, Wembley? Është një rrugë e gjatë

Italia bindi sonte dhe arriti të fitojë ndaj Turqisë ndeshjen hapëse të Euro 2020 me shifrat e pastra 3-0. Pas ndeshjes nuk e fshehu lumturinë trajneri i të kaltërve, Roberto Mancini.

“Kemi bërë një ndeshje të mirë. Nuk ishte aspak e lehtë në pjesën e parë, nuk mundëm t’i çanim dhe të shënonim. Ndoshta edhe sepse ishte ndeshja e parë dhe Turqia ishte gjithashtu ekip shumë i mirë.

Në të tilla ndeshje është nevoja për të gjitha. Patëm ndihmë nga tifozët, jemi të lumtur, mendoj se ekipi luajti shumë mirë. Ishte e rëndësishme që kur qarkullonim topin, të lironim një pikë pasimi dhe ja dolëm në shumicën e rasteve.

Ishte e rëndësishme të nisnim mirë këtë kompeticion dhe jemi të kënaqur për tifozët e pranishëm dhe gjithë Italinë. Ishte një mbrëmje e mrekullueshme dhe shpresoj të ketë edhe shumë të tjera. Wembley? Është një rrugë e gjatë. Janë gjashtë ndeshje për të shkuar atje”, u shpreh Mancini.