Ibsen Elezi kërkon ndërprerjen e garës për kryetar në PD, gjykata rrëzon kërkesën

Ibsen Elezi, i s’kualifikuar nga gara për kreun e PD-së kërkon ndërprerjen e procesit të zgjedhjeve të kryetarit të Partisë Demokratike.

Kërkesa nga Elezi, me objekt “marrjen e masës së sigurimit tyë padisë përmes detyrimit të Partisë Demokratike për të pezulluar procesin e përzgjedhjes së kryetarit të PD deri në daljen e vendimit të lidhur me themelin e kërkesëpadisë”, u shqyrtua këtë të Premte në Gjykatën e Tiranës.

Gjyqtari Flamur Kapllani vendosi rrëzimin e kërkesës.

Kujtojmë se Elezi ka dorëzuar në selinë blu kërkesën për të kandiduar për kryetar të Partisë Demokratike.

Në shkresën drejtuar gjykatës, ai shpjegon se pasi mësoi vendimin për të mos i lejuar kandidimin, ka kërkuar apelim pranë PD. Më tej, shpjegon se në përgjigje të një kërkesë drejtuar PD-së, Partia Demokratike i ka shpjeguar se për shkak të mungesës së një Komisioni Apelimi brenda kësaj force politike, ankimi nuk merret parasysh.

Në këto kushte, Ibseni i është drejtuar Gjykatës së Tiranës.