Kukësi ka nisur merkaton dhe sot ka nënshkruar me mesfushorin Ardit Hila, i cili rikthehet në Superiore pas eksperiencave në Kosovë me Prishtinën dhe Gjilanin. Lojtari nga Elbasani, kampion para dy vitesh me Partizanin, ka luajtur në të shkuarën edhe me Teutën dhe ekipin e vendlindjes, ndërkohë tani do të provojë një eksperiencë të re te Kukësi.
“Futboll Klub Kukësi njofton se mesfushori Ardit Hila është zyrtarisht futbollist i Kukesit. Klubi ka arritur marrëveshje me mesfushorin 28 vjecar, duke firmosur kontrate per 2 sezonet e ardhshme.
Hila vjen ne klubin e Kukesit pas nje aventure ne Kosove, ku ishte pjese e Gjilanit. Hila eshte njohes i mire i Kategorise Superiore teksa ka qene pjese e skuadrës se Elbasanit, Teutes e Partizanit duke fituar edhe titull kampion ne Shqiperi. Klubi i Kukësit i uron Hiles shume suksese me fanellen e Kukesit! Miresevjen Ardit!
“Me ka munguar Shqiperia. Ika si kampion dhe shpresoj te rikthehem si kampion me Kukesin. Pse Kukesin? Me bindi projekti i Kukesit dhe fakti qe luan gjithmone per trofe, ma beri me te lehte zgjedhjen time. Uroj qe ne Kukes te rikthejme trofeun e titullit kampion dhe Kupen e Shqiperise. Forca Kukesi”, u shpreh Hila ne prononcimin e tij te pare si futbollist i Kukesit”, njofton klubi i Kukësit.
