Këngëtari i famshëm Ardian Bujupi, i ftuar në emisionin “Rudina” në Tv Klan, ka folur për karrierën e tij, këngët, sukseset dhe për jetën privatë.
Ai ka treguar se është larguar nga Shqipëria kur ishte vetëm 1 vjeç dhe nuk ka asnjë kujtim, madje dhe asnjë foto. Kur shkoi me familjen në Gjermani për shumë vite ka jetuar në një shtëpi me shumë azilantë të tjerë, ku kanë ndarë dhe tualetin bashkë. Bujupi shprehet se tani vonë e ka kuptuar se ai dhe familja e tij nuk kanë pasur asnjë lidhje me ata njerëz, vetëm ndanin ambientet e shtëpisë së bashku.
Rudina Magjistari: Ti e ke kaluar fëmijërinë në Gjermani, si ka qenë fëmijëria jote dhe si ke qenë ti si fëmijë.
Ardian Bujupi: Unë nuk i kam marrë vesh ato problemet dhe ishte shumë normale për mua që përdornim banjën bashkë me disa familje të tjera sepse kemi qenë në situatë pak të komplikuar. Unë kam qenë fëmijë normal, kam luajtur me fëmijët e tjerë dhe kam menduar që është shumë normale të qëndronim të gjithë në një shtëpi. Tani vonë e kam marrë vesh që nuk i kam pasur gjë ato familjet e tjera, por ka qenë puna e azilantave. Kështu është jeta dhe nuk duhet të ankohemi. Puno shumë që të arrish shumë dhe shqiptarët gjithmonë punojnë dhe rrezikojnë më shumë se gjermanët në Gjermani dhe sot kanë arritur shumë me restorante, lokale dhe biznese.
Ardiani tregon se e ka këshillë dhe nga babai që duhet të punosh shumë që të arrish shumë dhe shqiptarët gjithmonë punojnë dhe rrezikojnë më shumë se gjermanët në Gjermani dhe sot kanë arritur shumë me restorante, lokale dhe biznese.
