E martuan pa dëshirë/ Zhduket 18-vjeçarja, autoritetet: Mund të jetë vrarë nga familjarët

Familjarët e një vajze 18-vjeçare në Itali po hetohen për vrasjen e saj, për shkak se e reja, prej disa ditësh, rezulton e zhdukur.

Policia thotë se familja e vajzës së quajtur Saman Abbas, dëshironte që ajo të shkonte në Pakistan, pasi atje i kishin gjetur një djalë për t’u martuar.

Autoritetet thonë se një kushëri i saj është arrestuar në Francë, xhaxhai i vajzës dhe një kushëri tjetër rezultojnë të zhdukur, ndërsa prindërit e saj, kanë udhëtuar në Pakistan, raportojnë mediat italiane.

Prokurorët kanë dyshime të forta se e reja është vrarë nga familjarët, por deri më tani nuk ka asnjë provë që ta vërtetojë një gjë të tillë, madje nuk është gjetur as trupi i vajzës.

Babai i vajzës, i pyetur nga gazetarët italianë, ka thënë se e bija mund të jetë zhukur në Belgjikë. Mirëpo një detaj i zbuluar ka “fundosur” pretendimet e familjarëve. Në disa sekuenca filmike, shihet të afërmet e 18-vjeçares  me lopata, e duke ecur mes një turme me një çantë blu. Hetimet për zbardhjen e ngjarjes së rëndë vazhdojnë.